Liburua
Duela astebete hasi zen jendea Lamiako Maskaradako kide izan diren hainbat pertsonak egindako liburuaz gozatzen. Liburuaz gozatzen jarraitzea espero dugu, eta argitu nahi dugu liburu honetan ez dagoela 46 urteetan parte hartu duten pertsonen zerrenda zehatzik. Aitzitik, Rosana Mencíak Lamiako Maskaradako zenbait etapatako testigantza esanguratsuak jasotzeko hautatu zituen pertsonen izenen zerrenda besterik ez da azken eskersaria. 2018an Lamiakoko Antzokian egindako dokumentalaren grabazioa beste proiektu ezberdin bat izan zen. Maskaradan testigantza garrantzitsua zuten pertsona-talde bat hautatu zen berriro, eta haien izenak eskertu ziren dokumentalaren amaieran.
Oro har, Lamiako Maskarada taldeak beti eskertzen du aukera ematen zaionean prentsa hedabideetan eta gure sare sozialetan tradizio hori bizirik mantentzen laguntzen duten pertsona GUZTIEN parte-hartzea. Beraz, argitu nahi dugu liburuaren amaieran agertzen diren esker-on horiek Rosanak zenbait lekukotasun jasotzeko elkarrizketatzea erabaki zuen pertsonei egiten dietela erreferentzia, eta, kapituluak dioen bezala, zenbait pertsonak idatzi zituztela gero. Espero dugu azalpen horrek neutralizatzea parte hartu eta zerrenda horretan bere izena ikusten ez duten pertsona batzuen egonezina.
.jpg)
Balkoiak apaindu
Dakizuenez, urtez urte jo ta ke lan egiten dugu LAMIAKO MASKARADA aurrera eramateko asmoz, eta aurten Maiatzaren 31an kalean egongo gara berriro gure jaia ospatzeko.
Zuen laguntza barik LAMIAKO MASKARADA ez da ezer eta horregatik aurreko urteetan bezalaxe Lamiako eta Txopoetako balkoiak oihalez apaintzera animatzen zaituztegu. Era berean, Maskaradaz jantzirik etortzera gonbidatzen zaituztegu.
Denon artean eta maskaradaren bidez gure auzoaren izaera eta ohiturak Euskal Herriko kulturan nabarmentzea lor dezakegu.
ANIMA ZAITEZTE!
"Auzo baten Izaera" salgai!
MILA ESKER liburu hau posiblea egin duzuen guztioi!
Leioa Udalari emandako laguntzagatik, Enfoke inprentari goi-mailako edizio lanagatik eta elkarrizketetan eta 46 urteko historian parte hartu duzuen pertsona guztioi.
Eta orain, IRAKURRI ETA GOZATU!!!
Espero dezagun lamia-oin horiek urte askotan zehar oinez eta dantzan jarrai dezaten.
Maiatzak 10ean Liburua aurkezten dugu!
Urte asko egon gara liburu bat prestatzen eta aurrera eramateko jende askoren partaidetza beharrezkoa izan da. Atsegin handiz jakinarazten dizuegu liburu berezi hau ostiralean aurkeztuko dugula prentsaurreko batean. Egun horretatik aurrera eskuragai egongo da Kultur Leioan eta 10 euroko prezioa izango du. Jakin dezazula gaztelaniazko eta euskarazko edizioak izango direla! Ez ahaztu liburuak eskuragai egongo direla leihatilaren ordutegian:
Astelehenetik ostiralera 11:00-13:30 / 16:30-20:30.
Liburu honek herritarren parte-hartzea eta kulturaren garrantzia erakusten digu.
Espero dugu zuen gustokoa izatea, ezagutzen ez zenituzten gauzak ikastea eta 46 urte hauetan bizi izandako une onak eta ahaztezinak gogoraraztea.
GORA LAMIAKO MASKARADA ETA ESKERRIK ASKO ZUEN LAGUNTZAGATIK!
Harpidetu honetara:
Mezuak (Atom)