3.zatia prest!

 Gaur akelarrearen azken entsegua egin dugu. Hurrengo igandean arratsaldeko zatia prestatuko dugu.

Oso gutxi geratzen zaigu!!!

Irrikitan gaude!







Tele7an

Hementxe doakizue Tele7an ateratako albistea:

https://tele7.tv/lamiako-maskarada-regresa-con-novedades

 

 


 

Prentsaurrekoa 2022

Gaur KulturLeioan Lamiako Maskarada 2022 aurkeztu da prentsaurreko baten bidez.

Laster partekatu ditugu komunikabideetan agertzen diren albisteak. Beti bezalaxe gure buruhandiekin egon gara, baina aurtengo buruhandi berria ikusteko oraindik bi aste itxaron behar duzue!

Gora Lamiako Maskarada!






 Prentsa Oharra: Lamiako Maskaradaren magia bueltan izango da maiatzaren 27an 

Maiatzeko azken ostiralean, Lamiako Maskaradak magiaz beteko ditu Leioako auzoko kaleak, eta udako jaiei hasiera emango die berriz ere. Bi urteko etenaldi baten ondoren, pandemiak ospakizuna galarazi zuen arren, Leioako Lamiako auzoan gure sustraiekin izandako topaketa honetaz gozatuko dugu berriro.

Iban Rodriguezek, Leioako alkateak, Arkaitz Correa Lamiako Maskaradako kidearekin batera egin du Lamiako Maskarada 2022 ekimenaren aurkezpen ofiziala.

Azken egunotan asko hitz egiten ari gara kaleko arteei buruz, eta gaur Leioako auzo bateko arteaz eta bertako bizilagunez hitz egin nahi dugu. Izan ere, 40 urte baino gehiagoz geroztik, gure sustraietara eta tradizioetara itzultzen gaituen antzezpen bikaina egiten dute. Pozten gara Lamiako Maskaradaz gozatu ahal izateaz berriro ere”, Iban Rodriguez alkateak esan zuenez.

Marik, Prudentziak, Sugaarrek edo Ieltxuk Lamiakoko kaleetan zehar dantzatu eta abestuko dute buruhandi, erraldoi, hankapalu eta fanfarriarekin batera, eta aurten, gainera, Tartalo ere sartuko da buruhandien taldean.

Correak azaldu zuenez, “auzoan bizirik dirauen jaia eta tradizioa” da Maskarada, auzoko gazteek “barneratuta” dutena, beraz, “Belaunaldien arteko erreleboa ziurtatuta dago” baieztatu zuen.

Baina gainerako herritarren parte-hartzea ere garrantzitsua da Lamiako Maskaradarentzat. “Lamiakotarrak, beti bezala, balkoiak apaintzen eta kalera ateratzen animatzen ditugu, aurtengo Maskaradan parte hartzeko. Era berean, gainerako leioaztarrak eta Lamiakora hurbildu nahi duten pertsonak gonbidatzen ditugu parte hartzera, gure kultura eta tradizioa berpiztera jai giroan eta ludikoan”, adierazi zuen Correak.




Azken txanpa!!

 Gaur  primerako entsegua izan dugu!!!! 3 aste geratzen dira berriro LAMIAKO MASKARADA bizi eta gozatzeko!!!
























Maiatza Maiatza!

 

Maiatza hilabetea heldu da eta zorionez "Maiatza" eta beste pertsonaiak laster egongo dira Lamiakoko kaleetan!

Maskarada 2022 badator eta aurten mundiala izango da!




DEIA egunkarian

 Hementxe doakizue DEIA egunkarian atera duten erreportaia.

Mila esker Marta! Beti idazten duzunaren bidez sentitzen dugun emozioa helarazten diguzu.

https://www.deia.eus/bizkaia 


 

Balkoiak oihalez apaintzeko prest?

 

Dakizuenez, urtez urte jo ta ke lan egiten dugu LAMIAKO MASKARADA aurrera eramateko asmoz. Aurten oso ospakizun berezia izango da eta Maiatzaren 27an kalean egongo gara gure jaia ospatzeko.

Zuen laguntza barik LAMIAKO MASKARADA ez da ezer eta horregatik aurreko urteetan bezalaxe Lamiako eta Txopoetako balkoiak oihalez apaintzera animatzen zaituztegu. Era berean, baserritarrez jantzirik etortzera gonbidatzen zaituztegu.

Denon artean eta maskaradaren bidez gure auzoaren izaera eta ohiturak Euskal Herriko kulturan nabarmentzea lor dezakegu.

 



 

Hotza egin arren...

Hotza egin arren, entsegua egin dugu!