Ur

Iaz Ur pertsonaiaren jantzia galdu egin zigutenez, aurten jantzi berria egingo dugu.

Dagoeneko, Lindau dendan oihal politak aurkitu ditugu blusoi berria egiteko.



Basajaun

Urtero bezalaxe, Leioako Udaletik jasotzen dugun dirulaguntzagaz jantziak berritzen saiatzen gara eta bada ordua Basajaunak daraman jantzia eta maskara berritzeko! Eta basajaunaz ari garenez, gogora dezagun euskal mitologian nor den jeinu hau!

Bere izenak dioen bezala, ‘basoko jauna, jaun basatia’ dugu jeinu berezi hau. Pertsonaia honek gizon handi eta izugarri baten itxura du. Gorputza ilez estalia du, adatsa belaunetaraino iristen zaio, eta aurpegia, bularrak eta sabela ia guztiz tapatzen dizkio. Basajauna basoaren eta naturaren zaindaria da. Artaldeen babeslea da, bereziki. Horregatik, ekaitza datorrenean, Basajaunak orroa botatzen du artzainak ohartarazteko.

Hurrengo webgunetik hartu dugu informazioa (https://www.amaroa.com/jeinuak/basajaun). Webgune honen helburua Euskal Mitologiaren ikuspegi orokor bat plazaratzea da eta gehiago ikasi nahi baduzue, anima zaitezte webgune bikain honetan murgiltzera!








Lamia

Gure Maskaradan Lamia da pertsonaia nagusia eta hementxe azaltzen dizkizuegu zeintzuk diren mito berezi honen ezaugarriak.

Hurrengo webgunetik hartu dugu informazioa (https://www.amaroa.com/jeinuak/lamia). Webgune honen helburua Euskal Mitologiaren ikuspegi orokor bat plazaratzea da. Txoko horretan euskal mitologiaren ezaugarriak, jainko eta pertsonaiak, elezaharrak eta abar aurkituko dituzue. J. M. Barandiaran etnologo jakintsuak euskal mitologiari buruz testigantzak jasotzen egindako lan eskergaz baliatu dira, batez ere.

Lamiak emakume eder baten itxura du gorputzaren erditik gora, eta hankak oiloarenak, ahatearenak, nahiz ahuntzarenak bezalakoak ditu. Lamien zereginen artean honako hauek zeuden: artilea haritu; trikuharriak, etxeak eta elizak eraiki; eta arropak garbitu. Baina asko atsegin du urrezko orrazi batekin bere adats ederra orraztea, erreka bazter edo urmahel batean. Haitzuloetan edo erreka putzuetan nahiz urmaeletan bizi ohi da. Gizonei eskatzen zien ogiari, urdaiari eta sagardoari esker elikatzen ziren, edota bere deboziozkoek eskainitako ogi, gatzatu eta esneari esker. Esan ohi da Lamiak ‘ezetza’ zela medio bizi zirela. Alegia, nekazariak zergak ordaintzerakoan, iruzurra eginez, zeuzkan lurrak baino gutxiago aitortzen bazituen, bere esanetan ez zeuzkan lur horiengatik Lamiak kobratzen omen zituen aitortu gabeko zergak. Iruzurraren kontrako eta zintzotasunaren aldeko jeinu legez ere agertzen zaigu, beraz. Dirudienez, kristautasunaren etorrerak badu zerikusia Lamien bukaerarekin.




Elezaharrak dionez, Anboto eta Arangio artean artaldearekin egoten zen artzain bati maiz agertzen omen zitzaizkion Lamiak, eta oso ongi pasatzen omen zuen hark, dantzan ibiltzen baitzuten airean. Artzaina gustura zebilen neska gazte eder haiekin, berak ez baitzekien Lamiak zirela. Batekin harreman sendoagoa egin zuen, eta etxeraino ere laguntzen omen zion. Behin batean, eraztun bat oparitu zion Lamiak artzainari, eta ezkontzeko hitza eman zioten elkarri. Mutilak kontatu zion amari, eta amak, kezkatuta, herriko apaizarengana joateko eskatu zion semeari. Elizgizonak, mesfidati, emaztegaiari oinak behatzeko agindu zion. Artzainak horrela egin zuen eta bere hankak ikustean ahatearenak bezalakoak zirela ohartu zen. Orduan, eraztuna atera nahi izan zuen lamiari itzultzeko; baina ahaleginak egin arren, ezin izan zuen atera, eta atzamarra moztu behar izan zuen. Eraztuna atzamar eta guzti itzuli zion lamiari, eta etxera joan zen. Sendatu zuen atzamarra, eta ohean sartu zen. Lamia haserre bizian gelditu zen, eta mutila ez omen zen gehiago esnatu.







Tartalo

Orain arte Tartalo inoiz ez da gure Maskaradara gerturatu....agian aurten etorriko al da?

Badaezpada, ikas dezagun nor den Tartalo!

Euskal mitologiaren arabera, Tartalo begi bakarreko gizon erraldoia da. Herrietako gazteak bahitu eta jan egiten ohi ditu pizti anker honek, eta, horregatik izua eragiten du Euskal Herriko zenbait bailaratan. Munduko mitologia ezberdinetan oso ezaguna da ziklope hau. Greziar eta Erromatar mitologia klasikoan baita Kantabriakoan eta Gaztelakoan aurkitu genezake. Azken hauetan Ojancano izena hartzen du.

Gehiago ikasi nahi baduzu, hemetxe dekozue oso webgune polita eta interesgarria:

https://www.amaroa.com/jeinuak/tartalo







Elkarrizketa 2019

Urte Berri On guztioi!!!

Dagoeneko Lamiako Maskarada 2020 prestatzen hasi gara; aurten beste buruhandi berri bat eta jantzi berri batzuk egingo ditugu.

Entseguak ez dira oraindik hasiko, baina gu bagaude lanean!!!

Bitartean iaz Tele7an egin genuen elkarrizketa hementxe partekatzen dugu: