Zinegotziak, non zaudete?

Lamiakoko Antzokiaren egoera larrigarriaren aurrean, urtarrilaren 10ean mezu bat bidali genien Leioako Udala osatzen duten alderdi politiko guztiei, gure kezka helarazteko eta Antzokiaren egoera bertatik bertara ezagutzeko. Inolako erantzunik jaso ez genuenez, urtarrilaren 24an berriro ere idatziz harremanetan jarri ginen eta tamalez alderdi bakar batek agertu du interesa (Elkarrekin Podemos). Itxurazko axolagabetasun horren aurrean, egoera hau konpontzeko beharra azpimarratu nahi dugu orain publikoki, eta gobernu-taldea osatzen duten alderdiei ez ezik, oposiziokoei ere dei egiten diegu gurekin bil daitezen eta egoeraren larritasuna uler dezaten. Antzokia egokitzen bada, Lamiako Maskaradak ez ezik, Lamiakoko auzoak eta, beraz, Leioako herriak ere irabazten du. Gure taldeak ia 50 urte daramatza herri honetan modu altruistan Euskal Kultura sustatzen eta tratu egokia merezi dugu.

 

Bidalitako mezuak partekatzen ditugu:

 

 

Aurrekontuak 2026

 Leioa Udala-Ayuntamiento 2026ko udal aurrekontua onartu du, 53,7 milioi eurokoa. Alkateak berak azpimarratu duenez, "herriaren beharrei erantzuten dieten oinarrizko zerbitzuak mantendu eta bermatu nahi dituzte; baita udalerriaren garapenean eta eraldaketan aurrera egin ere, inor atzean utzi gabe." Alde horretatik, ia 54 milioi horien zati txiki bat Lamiakoko Antzokia “konpontzera” bideratzea gustatuko litzaiguke. Ez dugu eskatzen Arriaga bihurtzea, baina bai erabilera segururako egokitzea eta osasungarritasun-baldintzak betetzea. Urteak daramatzagu bere egoera tamalgarriaren eske, eta berriro ere Lamiako Maskaradaren hurrengo edizioa prestatzeko zorian gaude eta, zoritxarrez, Lamiako Antzokiak abandonatuta jarraitzen du. Kultura sailari idatziz zein publikoki eskatu diogu gure sare sozialetan eta aurrekontuen komunikatu hauek beste behin ere erreklamatzeko aprobetxatzen ditugu. Espero dugu aurrekontu berri hauetan taldearekin eta auzoarekin berarekin dugun zor historiko hau konpontzea.

Alkatearen Elkarrizketa

 

LOKALAK BEHAR DITUGU!

Lamiakoko Antzokiaren egoera larria ikusita eta Lamiako eta Txopoeta auzoetako elkarte biltokirik ez dagoenez, Leioako Udala animatu nahi dugu bere jabetzan dituen lokalak erabiltzera. Leioako erdigunean udal-erabilerako lokalak daude, udalerriaren zati bati zerbitzu handia eta ona ematen diotenak. Hala ere, gure auzoan 2021eko abenduan Neinorreko etxeetako lokalak erosi arren, ez dira ezertarako erabili. Leioako Udalak berak 2022ko irailean bilera batean baieztatu zigun Lamiako Maskaradak erabil zitzakeela, baina urteak pasa ahala, zoritzarrez, grafitiak egiteko leku gisa baino ez dute balio.

 

Mesedez, egokitu lokal horiek, gure taldeak ez ezik auzoko elkarte askok edo bizilagunek ere erabili ahal izan dezaten. Zerbitzuak behar ditugu auzo honetan!

 

Hauek dira hirgunean dauden lokalak:

 

Eta hauek, aldiz, Lamiako eta Txopoetan dauden "udalerrietako lokalak"