Prentsan agertu den bezala, 2027ko otsailean "Lamiako 1979" opera estreinatuko da Arriga Antzokian. Leioako Udalak diruz lagundutako eta Leioa Kantika Koralak koproduzitutako proiektua da. Lamiako Maskarada ez da antzoki batean antzeztuko, ez kezkatu. Bai taldea eta bai bere sortzaile artistikoa, Jose Luis Raymond, jakinaren gainean gaude eta, hain zuzen ere, Jon Sáenz Rubio (konpositorea) eta Hegoa Álvarez Zorroza (libretista) etengabe harremanetan daude, Raymondek sortutako lanaren egile eskubideak eta jabetza intelektuala zaindu daitezen. XX. mendearen amaieran Lamiako auzoan girotutako euskarazko opera garaikidea da ikuskizun hau, eta hortik dator gure Maskarada tradizionalarekiko lotura. Ekitaldiak mitologiaren eta herri memoriaren berreskurapena esploratzen du, identitate kolektiboa eraikitzeko tresna gisa. Musikaren eta hitzaren bidez, partaide izatearen, galeraren eta iraganarekiko loturaren inguruko hausnarketa planteatzen du.
https://www.teatroarriaga.eus/programacion/lamiako-1979/
