Maskarada eguna

Eta azkenean Lamiako Maskarada ospatzeko eguna heldu da. 1988 Urtetik etengabe ospatu da Lamiako Maskarada eta hori dela eta oso arraroa egingo zaigu gaur kaletik lamiak eta beste pertsonaiak ez ikustea.



Hala ere, aurrera begiratu behar dugu eta beste modu batean BIZI behar dugu gaur gure Maskarada. Hementxe doakizue gaurko egitaraua:

1.-Balkoiak oihalez apaintzera animatzen zaituztegu.

2.-Futbol-zelaira joatera gonbidatzen zaituztegu edozein motako mezua edota marrazkia gurekin partekatzeko, baina ez ahaztu mesedez, oraindik salbuespeneko egoeran gaudela eta segurtasun neurriak jarraitu behar ditugu.

3.-TeleBilbaon iazko Maskarada jarriko dute 23.00etan guztiok akelarrea aurten ere ikus dezagun.

4.-Eta hemen doakizue guk bihotzez prestatutako bideoa omenaldi gisa.

Egun polita izan dezazula espero dugu eta ez-ohiko egoera honetan Maskaradaz ere gozatu ahal dugu!

GORA LAMIAKO MASKARADA!